ԱՄՆ-ում անցկացվելու է Hello Kitty-ին նվիրված խոշոր ցուցահանդես
03-09-2015 14:54:52 | ԱՄՆ | Մշակույթ
ԱՄՆ-ի Սիեթլ քաղաքում նոյեմբերի 14-ից բացվելու է խոշոր ցուցահանդես` նվիրված ճապոնական փոփ մշակույթի հայտնի կերպարներից մեկին` Hello Kitty-ին: Այս մասին գրում է lenta.ru-ն` վկայակոչելով WWD-ին:
Ըստ աղբյուրի` ցուցահանդեսի ընթացքում ցուցադրվելու են Sanrio ընկերության արխիվից 1970-1980-ական թվականների հարյուրավոր հազվագյուտ առարկաներ, որոնք կրում են Hello Kitty խորհրդանիշը: Բացի այդ` ցուցահանդեսի մասնակիցները կկարողանան տեսնել Լեդի Գագայի կրած խաղալիքներից կարված զգեստը և բրենդի խորհրդանիշով ոսկյա զարդեր:
Ցուցահանդեսը ստացել է Hello! Exploring the Supercute World of Hello Kitty անվանումը և նվիրված է ստեղծված կերպարի 41 ամյակին: Ցուցահանդեսի նպատակն է ցույց տալ, թե ինչպես է ծնվել բրենդը և ինչ ազդեցություն է ունեցել փոփ մշակույթի վրա: Այն ներկայացվելու է EMP թանգարանում:
Նշենք, որ Hello Kitty-ի կերպարը ստեղծվել է 1974 թվականին Sanrio խաղալիքներ արտադրող ճապոնական ընկերության ղեկավարի կողմից: Բրենդը լայնորեն օգտագործվում է մի շարք ապրանքատեսակների ստեղծման մեջ, ինպիսիք են համակարգչային խաղերը, գրասենյակային և տնտեսական ապրանքները, հագուստը և խաղալիքները:
ՀԱՅԵՐԵՆ
Русский
English
Դաս. հայերեն
French
