ԵՐԵՎԱՆ, 23 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Մարդու իրավունքների պաշտպանի աշխատակազմը ստացել է մի շարք ահազանգեր առ այն, որ ՀՀ իրավապահ մարմինների աշխատակիցների կողմից սահմանափակվում են անձանց` իրավաբանական օգնություն ստանալու եւ պաշտպան ունենալու իրավունքները վերջիններիս արգելանքի վերցնելիս կամ բերման ենթարկելիս: Հաշվի առնելով վերոգրյալը ՀՀ Մարդու իրավունքների պաշտպան Արմեն Հարությունյանը կոչ է արել այսուհետ անշեղորեն պահպանել ՀՀ Սահմանադրության, Մարդու իրավունքների եւ հիմնարար ազատությունների պաշտպանության մասին Եվրոպական կոնվենցիայի պահանջները, Մարդու իրավունքների Եվրոպական դատարանի, ինչպես նաեւ ՀՀ Վճռաբեկ դատարանի դատական ակտերի նախադեպերը:

---