Բաղդադը չի հաստատում թուրքական զորքերի դուրս բերումն իր տարածքից
14-12-2015 14:48:46 | Իրաք | Միջազգային
Իրաքի իշխանություններն առայժմ չեն հաստատում թուրքական զորքերի դուրս բերումն իրենց տարածքից:
Gazeta.ru-ի փոխանցմամբ` Իրաքի կառավարության ներկայացուցիչ Սաադ ալ-Հադիսին հայտարարել է, որ ներկա պահին իրենք չունեն հստակ տեղեկատվություն այդ մասին:
Ավելի վաղ, տեղեկատվություն էր հայտնվել, որ թուրքական զորքերը լքում են Իրաքի հյուսիսում ունեցած դիքերը:
Տեղեկացվում է, որ Անկարան նախատեսում է իր զորքերն Իրաքից տեղափոխել կոալիցիայի հովանու ներքո ԻՊ-ի դեմ պայքարի համար, որպեսզի վերացնի Բաղդադի հետ հարաբերություններում եղած լարվածությունը: