«Ռիչ Էլեքթրոնիքս» խանութների ցանցում մեկնարկել է Xiaomi Mi Band «խելացի» ապարանջանի վաճառքը: Ի տարբերություն նմանատիպ այլ սարքավորումների, նորույթն ունի նախանձելի ինքնավար աշխատանքի տևողություն և մատչելի գին: 

Xiaomi Mi Band –ը հետևում է օգտատիրոջ ֆիզիկական ակտիվությանը, հաշվում է կատարած քայլերի քանակը, ինչպես նաև որոշում է քնի փուլերն ու կատարած հաշվարկների համաձայն արթնացնում է ամենահարմար պահին: Ապարանջանը ջրակայուն է, իսկ տվյալները սմարթֆոնին փոխանցում է Bluetooth 4.0-ի միջոցով: Mi Band-ը առանց լիցքավորման աշխատում է մոտ մեկ ամիս: 

---