Թուրքիայում 24-ամյա լրագրողին դատապարտել են 28 ամիս ազատազրկման թվիթերում գրառում կատարելու համար
12-02-2016 18:01:22 | Թուրքիա | Հասարակություն
Թուրքիայում 24-ամյա լրագրող Հիլյալ Քալաֆաթիին դատապարտել են 2 տարի 4 ամիս ազատազրկման թվիթերյան իր էջում հաղորդագրություն գրելու համար: Դատարանի կարծիքով` հաղորդագրությունը Թուրքիայի նախագահ Ռեջեփ Թաիբ Էրդողանի հասցեին ուղղված վիրավորական արտահայտություններ է պարունակել:
gazeta.ru-ի փոխանցմամբ` լրագրողն իր 2015 թվականին հրապարակված հաղորդագրությունում քննադատել է երկրի նախագահի գործողությունները, ինչպես նաև իշխող «Արդարություն և զարգացում» կուսակցությանը:
Չնայած նրան, որ օգտատերը ջնջել է իր հաղորդագրությունը, այնուամենայնիվ, դատախազությունը նույն ժամանակահատվածում հետաքննություն է սկսել լրագրողի դեմ:
Դատարանում լրագրողը զղջացել է իր արարքի համար, որից հետո դատարանը որոշել է հետաձգել դատավճռի կատարումը հինգ տարով:
Ավելի վաղ, Թուրքիայում երկու տղամարդ ութ տարի առաջ կատարված պաղպաղակի գողության համար դատապարտվել էին 13 տարվա ազատազրկման: