Թուրքիան աջակցելու է Վրաստանին հեշտացված կարգով անդամակցելու ՆԱՏՕ-ին
20-04-2016 11:53:55 | Թուրքիա | Միջազգային
ՆԱՏՕ-ի անդամ պետությունների արտգործնախարարների գլխավորությամբ մայիսին նախատեսված նիստին Թուրքիայի արտգործնախարար Մևլութ Չավուշօղլուն մտադիր է քննարկման դնել Վրաստանի անդամակցության հարցը Հյուսիսատլանտյան դաշինքին` առանց անդամակցության համար անհրաժեշտ համապատասխան գործողությունների անցկացման: Այս մասին հայտնում է korrespondent.net-ը:
«Ես կարծում եմ, որ Վրաստանը կարող է ՆԱՏՕ-ի անդամ դառնալ` առանց դաշինքին անդամակցելու համար անհրաժեշտ գործողությունների ծրագրի անցկացման: Տեխնիկապես դա հնարավոր է իրականացնել: Մենք ամբողջությամբ աջակցում ենք Վրաստանի անդամակցությանը ՆԱՏՕ-ին և ես այդ հարցը քննարկման կդնեմ առաջիկա նիստի ընթացքում»,- հայտարարել է նա:
Նրա խոսքերով, իհարկե, Թուրքիան չի կարող տալ որևէ երաշխիք այդ հարցում: Նա նաև ընդգծել է, որ Վրաստանն արժանի է դառնալու ՆԱՏՕ-ի անդամ, քանի որ բավարարում է բոլոր պահանջները:
ՀԱՅԵՐԵՆ
Русский
English
Դաս. հայերեն
French
