Թուրքիան վերացրել է մուտքի արտոնագրերը Շենգենյան երկրների համար

03-05-2016 14:46:12 | Թուրքիա | Հասարակություն

Թուրքիայում ուժի մեջ է մտել Շենգենյան գոտու երկրների համար մուտքի արտոնագրերի սահմանափակումների վերաբերյալ օրենքը:

korrespondent.net-ի փոխանցմամբ`այդ մասին տեղեկացնում է Resmi Gazete պաշտոնական կառավարական տեղեկատուն:

Կառավարության որոշման տեքստում նշվում է, որ այդ օրենքն ուժի մեջ կմտնի Եվրամիության կողմից Թուրքիայի քաղաքացիների համար մուտքի արտոնագրերի չեղարկման պահից:

Ակնկալվում է, որ մայիսի 4-ին Եվրահնաձնաժողովը կքննարկի Թուրքիայի հետ մուտքի արտոնագրերի ազատականցաման հետ կապված բանակցությունների առաջընթացի վերաբերյալ վերջնական արդյունքները: Վերջինի հաստատման դեպքում փաստացի պետք է նախապատրաստական գործընթաց սկսվի, որի արդյունքում հունիսի 30-ին Թուրքիայի քաղաքացիների համար Շենգենյան վիզաները կվերացվեն:

Ըստ ԶԼՄ-ների` Եվրահանձնաժողովը պատրաստ է սատարել Թուրքիայի համար մուտքի արտոնագրերի վերացման որոշումը: Տվյալ որոշումը պետք է դառնա Թուրքիայի և ԵՄ-ի միջև միգրացիոն ճգնաժամի լուծման գործարքի մի մասը, որը սրվել էր նախորդ տարվա վերջին:

Ի պատասխան մուտքի արտոնագրերի վերացման` թուրքական իշխանությունները հետ կընդունեն ԵՄ տարածք ներթափանցած միգրանտների մի մասին և համապատասխան քայլեր ձեռնարկել ներգաղթյալների հոսքը դադարեցնելու ուղղությամբ:

Նոյյան տապան - Հասարակություն

Կարդացել են 1084 անգամ

Թուրքիան վերացրել է մուտքի արտոնագրերը Շենգենյան երկրների համար

Noyan Tapan TV