Բան Կի Մունը կոչ է արել միջոցներ ձեռք առնել 2030-ին փախստականների թիվը կրճատելու համար
23-05-2016 14:51:09 | | Հասարակություն
ՄԱԿ-ի գլխավոր քարտուղար Բան Կի Մունը կոչ է արել միջազգային հանրությանը միջոցներ ձեռք առնել 2030 թվականին երկու անգամով փախստականների թիվը կրճատելու համար: gazeta.ru-ի փոխանցմամբ` այդ մասին նա հայտարարել է Ստամբուլում կայացած Առաջին համաշխարհային հումանիտար գագաթնաժողովի բացման հանդիսավոր արարողության ժամանակ:
«Մենք այստեղ ենք հավաքվել, որպեսզի ստեղծենք այլ ապագա: Ես կոչ եմ անում Ձեզ ջանքեր գործադրեք 2030 թվականին տեղահանված մարդկանց թիվը կրճատելու և փախստականների խնդրին երկարատև լուծումներ տալու համար»,- հայտարարել է նա:
Ավելի վաղ, հումանիտար խնդիրների շուրջ Համաշխարհային գագաթնաժողովից առաջ Բան Կի Մունը նշել էր, որ 60 մլն մարդ գտնվում է փախստականի կարգավիճակում բռնության և դրա հետևանքների պատճառով, ինչպես նաև 225 մլն-ը լքել է իր երկիրն ավելի լավ վայր գտնելու համար:
ՀԱՅԵՐԵՆ
Русский
English
Դաս. հայերեն
French
