Աֆղանստանում մեկ օրում ոչնչացվել է շուրջ 100 գրոհային
02-06-2016 14:30:23 | Աֆղանստան | Միջազգային
Նախորդ գիշեր Աֆղանստանի ազգային բանակը ոչնչացրել է հակակառավարական խմբերի 99 զինյալների, այդ թվում երկու դաշտային հրամանատար: Interfax.ru-ի փոխանցմամբ` այդ մասին հաղորդել է Աֆղանստանի պաշտպանության նախարարությունից:
Գերատեսչության տվյալներով` երկրի ինը նահանգներում վիրավորվել են ևս 60 զինյալներ, իսկ մարտերում զոհվել են 16 աֆղան զինծառայող:
Ավելի վաղ, չորեքշաբթի ազգային բանակի պաշտոնական ներկայացուցիչը Ֆարյաբեում Ռեզա Ռեզային տեղի ԶԼՄ-ներին հաղորդել է, որ նախորդ օրերի ընթացքում կառավարական զորքերի և «Թալիբան» ծայրահեղական շարժման զինյալների միջև տեղի ունեցած բախումների արդյունքում տարածաշրջանում սպանվել է 24 գրոհային, իսկ 14-ը ստացել են մարմնական վնասվածքներ:
Նրա խոսքերով` զոհվածների թվում է թալիբների կողմից նշանակված «կոմսության» ղեկավարի տեղակալ Գորմաչ մուլլա Շեր Աքան:
ՀԱՅԵՐԵՆ
Русский
English
Դաս. հայերեն
French
