09-08-2016 11:31:45 | Հայաստան | Մամլո հաղորդագրություն
Մենք շարունակում ենք ներկայացնել եզդի ժողովրդի փառապանծ զավակներին, ովքեր պատմության կարևորագույն պահերին ցուցաբերել են արիություն և նվիրվածություն: Այս անգամ մենք կներկայացնենք Արծվաշենի պաշտպանության մասնակից Գագիկ Հաջոյանին:
Ծնվել է 1972 թվականի մայիսի 15-ին Ջրաշեն գյուղում (այժմ՝ ՀՀ Արարատի մարզում) եզդիական ընտանիքում։ Արցախյան պատերազմի տարիներին Գագիկ Հաջոյանը ավելի քան 500 եզդիների թվում էր, որոնք մարտի մեկնեցին հանուն իրենց հայրենիքի՝ Հայաստանի։
1992 թվականի օգոստոսի 7-ին Գագիկ Հաջոյանը վիրավորվեց Արծվաշենի մարտերում: Մահկանացուն կնքեց օգոստոսի 9-ին պաշտպանելով Գեղարքունիքի մարզի Արծվաշեն գյուղը։ Գագիկ Հաջոյանի աճյունը հանգչում են Եռաբլուր պանթեոնում։
2002 թվականի ՀՀ Նախագահի հրամանագրով հետմահու պարգևատրվել է «Արիության համար» մեդալով։