Թուրքական Գազինաթեպում իրականացված ահաբեկչության հեղինակն անչափահաս է
22-08-2016 15:11:30 | Թուրքիա | Հասարակություն
Թուրքական Գազիանթեպ քաղաքում իրականացված պայթյունի հեղինակ մահապարտ-ահաբեկիչը եղել է 12-14 տարեկան անչափահաս երեխա: Interfax.ru-ի փոխանցմամբ` այդ մասին հայտնում է բրիտանական BBC հեռուստառադիոհեռարձակող ընկերությունը` հղում անելով Թուրքիայի նախագահ Ռեջեբ Թաիբ Էրդողանի արած հայտարարությանը:
Նախագահը հաղորդել է, որ նախօրեի երեկոյան կատարված պայթյունը խլել է 51 մարդու կյանք, ևս 69-ը` տուժել են, այդ թվում 17-ը ստացել են լուրջ վնասվածքներ:
Էրդողանը դարձյալ ընդգծել է, որ ահաբեկչության հետևում կանգնած է «Իսլամական պետություն» ահաբեկչական խմբավորումը:
Ավելի վաղ, թուրք նախագահը հայտարարել էր, որ Գազիանթեպի պայթյունների նման ահաբեկչությունները նպատակ ունեն սեպ խրել Թուրքիայում բնակվող տարբեր էթնիկ և կրոնական խմբերի միջև:
ՀԱՅԵՐԵՆ
Русский
English
Դաս. հայերեն
French
