Ֆրանսիայի արտգործնախարարությունը դատապարտել է Սիրիայում քիմիական զենքի կիրառումը
25-08-2016 15:30:32 | Ֆրանսիա | Միջազգային
Ֆրանսիան դատապարտում է քիմիական զենքի կիրառումը Սիրիայում և Դամասկոսի իշխանություններին մեղադրում է այդ տեսակ զենքի չկիրառման համար տված խոստումները: tass.ru-ի փոխանցմամբ` այդ մասին ասվում է ֆրանսիացի արտգործնախարար Ժան Մարկ Էյրոյի տարածած հայտարարության մեջ:
Նրա կարծիքով` քիմիական զենքի կիրառումը, որը նախապես խոստացել են չանել սիրիական իշխանությունները, հանդիասնում է զարհուրելի ակտ, որը փաստում է դամասկոսյան իշխանությունների դերի մասին Սիրիայում իրավիճակի վատացման հարցում:
Նա ընդգծել է, որ ստեղծված իրավիճակում ՄԱԿ-ի անվտանգության խորհուրդը պարտավոր է ամենայն պատասխանատվությամբ կիրառել անհրաժեշտ միջոցներ. «Ֆրանսիան արդեն տեսնում է այդ ուղղությամբ իր գործընկերների հետ համատեղ աշխատանք իրականացնելու անհրաժեշտությունը»:
Ֆրանսիայի արտգործնախարարը նաև նշել է, որ Սիրիայում քիմիական զենքի կիրառումը ևս մեկ անգամ վկայում է այն մասին, որ անհրաժեշտ է ապահովել ջանքերի մեկտեղում Սիրիայում խաղաղ կարգավորման հեռանկարներ ստեղծելու համար:
Անհրաժեշտ միջոցառումների թվում Էյրոն տեսնում է ռազմական գործողությունների դադարեցումը, բնակչությանը հումանիտար օգնությունը հասանելի դարձնելը և երկրում քաղաքական անցման շրջանում բանակցությունների վերսկսումը:
ՀԱՅԵՐԵՆ
Русский
English
Դաս. հայերեն
French
