Թուրքիան Սիրիայից զորքերի դուրս բերման պայման է դրել
25-08-2016 16:53:16 | Թուրքիա | Միջազգային
Թուրքական բանակը Սիրիայի տարածքում այնքան ժամանակ կմնա մինչև սիրիական Ազատ բանակը չվերցնի իրավիճակն իր վերահսկողության տակ: korrespondent.net-ի փոխանցմամբ` այդ մասին հաղորդել է Թուրքիայի պաշտպանության նախարար Ֆիքրի Իշիկը:
Վերջինս նշել է, որ սիրիական տարածքից Թուրքիա հրաձգության արդյունքում զոհվել է 21 թուրք քաղաքացի, ևս 84-ը` վիրավորվել են:
Նախարարը նշել է, որ իրենց գլխավոր նպատակն է Ջերաբլուսն ազատագրել ԻՊ ահաբեկիչներից, իսկ երկրորդ նպատակն է, որպեսզի ԻՊ գրոհայիններին չգան փոխարինելու սիրիացի քրդերը:
Իշիկը ընդգծել է, որ Թուրքիան ստիպված է անձամբ պաշտպանել սեփական սահմանները, քանի որ «Սիրիայում գործող կառավարություն չկա»:
«Մինչև Ազատ սիրիական բանակն ամբողջությամբ չվերցնի իրավիճակի հսկողությունն այդ տարածքում, այնտեղ մնալը մեր իրավունքն է»,- հայտարարել է Իշիկը:
Միևնույն ժամանակ Reuters-ը հաղորդել է, որ առնվազն ևս ինը թուրքական տանկ է մտել Սիրիայի հյուսիսային հատված ԻՊ-ի դեմ ուղղված պայքարի շրջանակներում: