Իտալիայի իշխանությունները որոշում են կայացրել երկրաշարժի զոհերի կապակցությամբ օգոստոսի 27-ը սգո օր հայտարարել: gazeta.ru-ի փոխանցմամբ` այդ մասին հայտարարել է երկրի վարչապետ Մատտեո Ռենցին:
Ինչպես տեղեկացվում է, Ասկոլի Պիչենո քաղաքում այդ օրը թաղելու են երկրաշարժի զոհերին: Բացի այդ, բոլոր քաղաքային շենքերի վրայից կիջեցվեն պետական դրոշները:
Հիշեցնենք, որ Իտալիայում տեղի ունեցած երկրաշարժի զոհերի թիվը հասել է 267 մարդու: Փրկարարները շարունակում են որոնողական աշխատանքներն Ամատրիչե, Ակումոլի, Պեսկարա դել Տորոնտո և Արկուատա դել Տորոնտո քաղաքներում: