Porsche-ն ներկայացրել է իր նոր հիբրիդային Panamera 4 E-Hybrid ավտոմեքենան
09-09-2016 19:42:51 | Գերմանիա | Գիտություն եւ տեխնոլոգիաներ
Porsche ընկերությունը ներկայացրել է իր նոր հիբրիդային Panamera ավտոմեքենան, որն ստացել է Panamera 4 E-Hybrid անվանումը:
korrespondent.net-ի փոխանցմամբ` նորույթն ունի հոսանքով լիցքավորվելու հնարավորություն և ընդունակ է մեկ անգամյա լիցքավորվմամբ անցնել 50 կիլոմետր ճանապարհ: Մեքենայի ընդհանուր հզորությունը 462 ձիաուժ է, որն ապահովում են 2,9 լիտրանոց վեց մխոցանի տուրբո համակարգով աշխատող 330 ձիաուժ հզորությամբ շարժիչը և 136 ձիաուժով էլեկտրաշարժիչը:
Panamera 4 E-Hybrid-ը 100 կմ/ժ արագություն կարող է զարգացնել 4,4 վայրկյանում, իսկ մեքենայի առավելագույն արագությունը կազմում է ժամում 277 կիլոմետր: 138 կմ/ժ-ից ցածր արագություն զարգացնելու դեպքում մեքենան կարող է օգտագործել միայն էլեկտրաշարժիչը:
Նշվում է, որ Panamera 4 E-Hybrid-ի արտահանումը մեկնարկելու է հաջորդ տարի:
ՀԱՅԵՐԵՆ
Русский
English
Դաս. հայերեն
French
