Գրանթ Թորնթոն Ինթերնեշնլի Գլոբալ կորպորատիվ սոցիալական պատասխանատվության օրվա շրջանակներում Գրանթ Թորնթոն Հայաստանի աշխատակիցները այցելեցին  Երևանի «Օրրան» ցերեկային խնամքի կենտրոն: Լինելով բարեգործական հասարակական կազմակերպություն՝ «Օրրանը»  կրթական, մշակութային, սոցիալական, հոգեբանական և բժշկական աջակցություն է տրամադրում սոցիալապես խոցելի ընտանիքների երեխաներին և անօգնական ծերերին: 

 

Գրանթ Թորնթոնի աշխատակիցները հետաքրքիր և հագեցած օր անցկացրեցին կենտրոնում՝ կազմակերպելով միջոցառում, որտեղ երեխաները մեծ խանդավառությամբ կատարեցին ուրախ երգեր, պատրաստեցին հետաքրքրաշարժ ներկայացումներ՝ ընկերության, համերաշխության, հավասարության թեմաներով, ինչպես նաև ոգևորությամբ ընդունեցին ընկերության աշխատակիցների պատրաստած նվերները:

Յուրաքանչյուր տարի Գլոբալ Կորպորատիվ սոցիալական պատասխանատվության օրը Գրանթ Թորնթոնի աշխատակիցները ողջ աշխարհում մասնակցում են բարեգործական միջոցառումների՝ պատրաստակամություն ցուցաբերելով փոփոխություններ իրականացնել իրենց տեղական համայնքներում: 

Գրանթ Թորնթոն Հայաստանի տնօրեն-բաժնետեր Գագիկ Գյուլբուդաղյանը մեկնաբանում է. «Լինելով սոցիալապես պատասխանատու ընկերություն՝ Գրանթ Թորնթոնը մշտապես խրախուսում է իր աշխատակիցներին  մասնակցելու բարեգործական նախաձեռնությունների: Մենք պարտավոր ենք մեր ներդրումն ունենալ տեղական համայնքների զարգացման գործում, քանի որ գիտակցում ենք, որ յուրաքանչյուր ընկերություն իր գործունեությամբ կարող է ազդեցություն ունենալ հասարակության և շրջակա միջավայրի վրա: Կարծում եմ, Գլոբալ ԿՍՊ օր կազմակերպելը հիանալի մտահաղացում է, քանի որ հնարավորություն է տալիս ներկայացնել ԿՍՊ գործունեությունը, դրանով իսկ խրախուսելով այլ ընկերություններին, որպեսզի նրանք ևս դրսևորեն Կորպորատիվ սոցիալական պատասխանատվություն և մասնակցություն ցուցաբերեն տարբեր բարեգործական ծրագրերին»:

 

Նոյյան տապան  -   Կազմակերպություններ