Փախստականներն անկարգություններ են իրականացրել Մադրիդի կենտրոնում գտնվող ճամբարում
19-10-2016 12:06:13 | Իսպանիա | Հասարակություն
Շուրջ 20 միգրանտներ, որոնք գտնվել են Մադրիդում օտարերկրացիների համար նախատեսված կենտրոնում, չորեքշաբթի գիշերը բարձրացել են շենքի տանիք և սկսել են կոչեր հնչեցնել` պահանջելով ազատություն և արժանապատիվ վերաբերմունք:
Interfax.ru-ի փոխանցմամբ` նույն այդ ժամանակահատվածում ներսում գտնվողները սկսել են անկարգություններ իրականացնել:
Նշվում է, որ դեպքի վայր են ժամանել ոստիկանական ուժեր, փրկարարներ, ինչպես նաև Ներքին գործերի ներկայացուցիչներ, ովքեր փորձել են բանակցություններ վարել ցուցարարների հետ:
Անկարգությունների արդյունքում տուժածների և փախուստի դիմածների մասին տեղեկություններ չեն հաղորդվում: