«Երեւանյան հեռանկարներ» միջազգային փառատոնի շրջանակներում հայ հանդիսականը կվայելի հանրահայտ դաշնակահարների անզուգական կատարումները
26-11-2016 14:25:59 | Հայաստան | Մշակույթ
«Երեւանյան հեռանկարներ» միջազգային փառատոնի շրջանակներում Արամ Խաչատրյան մեծ համերգասրահում հայ հանդիսատեսը դեկտեմբերի 12-ին եւ 13-ին հնարավորություն կունենա ունկնդրելու ճանաչված վիրտուոզ դաշնակահար Բորիս Բերեզովսկու համերգը:
Ինչպես տեղեկացնում են համերգի կազմակերպիչները , համերգի առաջին հատվածում դաշնակահարը հանդես կգա Հայաստանի պետական ֆիլհարմոնիկ նվագախմբի հետ` Էդուրադ Թոփչյանի գլխավորությամբ, իսկ ծրագրում կհնչեն Պ. Ի. Չայկովսկու թիվ 2 դաշնամուրային կոնցերտը եւ Սիբելիիուսի թիվ 2 սիմֆոնիան:
Համերգային ծրագրի երկրորդ հատվածում Բ. Բերեզովսկին հանդես կգա մենահամերգով, որի ընթացքում կհնչեն Բարտոկի սոնատը եւ 3 Էտյուդները, ինչպես նաեւ Լիստի հանրահայտ 12 Էտյուդները:
Իսկ արդեն դեկտեմբերի 16-ին հայ հանդիսականը հնարավորություն կունենա վայելելու աշխարհահռչակ դաշնակահար Կիրիլ Գերշտայնի անզուգական կատարումները: Տեղեկացնենք, որ աշխարհահռչակ դաշնակահարը մշտապես հանդես է գալիս որպես մենակատար Նյու Յորքի եւ Ռոտտերդամի ֆիլհարմոնիկ , Ֆիլադելֆիայի, Թագավորական ֆիլհարմոնիկ նվագախմբերի հետ: