Ռուսաստանում հնարավոր է արգելեն գազի օգտագործումը բազմաբնակարան շենքերում
30-12-2016 13:15:31 | Ռուսաստան | Հասարակություն
Ռուսաստանում կարող են հրաժարվել բնակելի տներում գազ օգտագործելուց: gazeta-ի փոխանցմամբ` այդ մասին ասվում է Ռոստեխնադզորի ղեկավար Ալեքսեյ Ալեշինի նամակում ուղղված Պետդումայի պատգամավոր Վալերի Ռաշկինին:
«Հրդեհները և պայթյունները բացառելու համար, որոնք հանգեցնում են մարդկային կորուստների և շենքերի ավերվածությունների, ակնկալվում է սկզբունքային որոշման ընդունում ինչպես նոր կառուցվող, այնպես էլ արդեն իսկ շահագործվող բազմահարկ բնակելի շենքերում գազի օգտագործման արգելքի մասին»,- ասվում է նամակում:
Ալեշինի կարծիքով` որպես գազի այլընտրանք պետք է քննարկել բազմահարկ բնակելի շենքերն էլեկտրական սարքերով համալրելը:
Ռոստեխնադզորում և Շինարարության նախարարությունում առայժմ այդ նախաձեռնությունները չեն մեկնաբանում: