Պուտինի և Թրամփի հանդիպումը կարող է կայանել մինչև G20-ի գագաթնաժողովի մեկնարկը

30-01-2017 16:52:11 | Ռուսաստան | Միջազգային

Ռուսաստանի Դաշնության նախագահի մամլո քարտուղար Դմիտրի Պեսկովը խոստովանել է, որ Վլադիմիր Պուտինի և ԱՄՆ նորանշանակ նախագահ Դոնալդ Թրափմի առաջին հանդիպումը կարող է կայանալ մինչև G20-ի գագաթնաժողովը, որն անցկացվելու է հուլիսին:

Interfax-ի հաղորդմամբ, լրագրողների այն հարցին, թե արդյոք օգնականներն արդեն քննարկել են նախագահների առաջին հանդիպման մանրամասները և մինչեւ G20-ի գագաթնաժողովը դրան կարելի է սպասել, Պեսկովը պատասխանել է. «Ամենայն հավանականությամբ, այո»:

Խոսելով վերջերս նախագահների միջև տեղի ունեցած հեռախոսազրույցի մասին, Պուտինի մամլո խոսնակը հայտարարել է, որ զրույցը միջազգային անվտանգության քննարկումների եւ ահաբեկչության դեմ պայքարի վերաբերյալ կառուցողական բնույթ է կրել:

Տեղեկացնենք, որ G20-ի գագաթնաժողովը տեղի կունենա հուլիսի 7-8-ը Գերմանիայի Համբուրգ քաղաքում:

Նոյյան տապան - Միջազգային

Կարդացել են 731 անգամ

Պուտինի և Թրամփի հանդիպումը կարող է կայանել մինչև G20-ի գագաթնաժողովի մեկնարկը

Noyan Tapan TV