ՎԶԵԲ-ը, ԵՄ-ն և Շվեդիան կաջակցեն կին ձեռներեցությանը ՀՀ-ում


ՎԶԵԲ-ը, ԵՄ-ն և Շվեդիան կաջակցեն կին ձեռներեցությանը ՀՀ-ում

  • 07-03-2017 12:45:50   | Հայաստան  |  Կազմակերպություններ

Խթանելով կանանց ներգրավվածությունը որպես հաջողակ տնտեսությունների հիմնական տարր` ՎԶԵԲ-ը ՀՀ-ում մեկնարկում է իր կողմից իրականացվող հաջողակ նախագծերից մեկի՝ §Գործարար կանայք¦  ծրագրի ընդլայնումը տեղական վարկատուների՝ Ամերիաբանկի և Ակբա-Կրեդիտ Ագրիկոլ Բանկի միջոցով:
Վերոնշյալ բանկերը միացել են ծրագրին անցյալ տարեվերջին և այժմ պատրաստ են կանանց կողմից ղեկավարվող տեղական բիզնեսներին վարկավորել ծրագրի նպատակներին և պահանջներին համապատասխան: 
 
Ծրագրին շուտով կմիանա նաև Արարատբանկը:
ԱՐԱՐԱՏԲԱՆԿԻ վարչության նախագահ Աշոտ Օսիպյանը, կարևորելով կանանց ձեռներեցությամբ զբաղվելու հնարավորությունների ընդլայնումը`  նշեց. §ԱՐԱՐԱՏԲԱՆԿՈՒՄ   կանանց համար  մշտապես մշակվում   և առաջարկվում  են վարկային տարբեր պրոդուկտներ` հնարավոր  լավագույն  պայմաններով: Այս նախագիծը ևս կանանց  թույլ կտա իրագործելու իրենց նախագծերն ու գաղափարները, ինչպես նաև  հնարավորություն կընձեռի նոր աշխատատեղեր ստեղծել`  նպաստելով երկրի տնտեսական զարգացմանը:   Մենք վստահ ենք, որ կանայք բավակին մեծ գործարար ներուժ ունեն,  ուստիև  այս  նախագծից  շատ լուրջ արդյունքներ ենք ակնկալում¦:  
Հայաստանը առաջիններից է միացել ՎԶԵԲ-ի կողմից Արևելյան գործընկերության երկրներում՝ Հայաստան, Ադրբեջան, Բելառուս, Վրաստան, Մոլդովա, Ուկրաինա, իրականացվող §Գործարար կանայք¦ ծրագրին: Ծրագիրը խթանում է կանանց ձեռներեցությունը՝ հնարավորություն տալով բարելավել ֆինանսավորման և խորհրդատվության հասանելիությունը կանանց կողմից ղեկավարվող տեղական ՓՄՁ-ների համար:
Արևելյան գործընկերության երկրներում ծրագրի իրականացման համար միայն ՎԶԵԲ-ի նախնական ներդրումը կազմել է 55 մլն ԱՄՆ դոլար, որն ուղղվել է տեղական ֆինանսական կառույցների միջոցով կանանց կողմից ղեկավարվող բիզնեսների հետագա վարկավորման համար վարկային գծերի ստեղծմանը:
Արևելյան գործընկերության երկրներում ծրագիրը ֆինանսավորվում է ՎԶԵԲ-ի, Եվրոպական միության, Շվեդիայի և Վաղ անցումային երկրների հիմնադրամի կողմից:
 
§Գործարար կանայք¦  ծրագիրը ՀՀ-ում կանանց կողմից ղեկավարվող ՓՄՁ-ներին հասանելի կդարձնի իրենց աճի համար անհրաժեշտ ֆինանսավորումը և խորհրդատվությունը, տեխնիկական աջակցություն կտրամադրի ծրագրի գործընկեր ֆինանսական կառույցներին և բիզնես խորհրդատվություն կին ձեռներեցներին: Ծրագիրը նաև իրականացնում է բիզնես խորհրդատվություն՝ բիզնես քոուչինգ և ուղղորդում: 
Ինչպես նշեց Վերակառուցման և զարգացման եվրոպական բանկի Երևանյան գրասենյակի ղեկավար. Մարկ Դեյվիսը,- §Մենք հավատում ենք՝ երբ շուկայի ձախողումները լուծված լինեն, խոչընդոտները՝ հաղթահարված և կանանց կողմից ղեկավարվող ՓՄՁ-ները կստանան հավասար հնարավորություններ, նրանք կկարողանան իրականացնել տնտեսության արդյունավետությանը և աշխատատեղերի ստեղծմանը նպաստող գործունեություն¦:
Շվեդիայի կառավարությունը Արևելյան գործընկերության երկրներում ծրագրի իրականացման համար հատկացրել է 47 մլն շվեդական կրոն (մոտ 5.2 միլիոն եվրո): 
§Կանանց ձեռներեցության զարգացմանն ուղղված աջակցությունը տարածաշրջանում տնտեսական աճի բանալին է: Կանանց ձեռներեցությունը կարևոր ներդրում է ազգային տնտեսության մեջ, և կանանց կողմից ղեկավարվող մի շարք ընկերություններ ավելի արագ տեմպերով են աճում,  քան նրանք, որոնք ղեկավարվում են տղամարդկանց կողմից¦,- նշել է ՀՀ-ում Շվեդիայի Թագավորության գործերի ժամանակավոր հավատարմատար Մարգարիտա Քրիստիանսոնը: 
Հաջորդ 4,5 մլն եվրոն տրամադրել է Եվրոպական Միության Հարևանության Ներդրումային Հիմնադրամը. միջոցներն ուղղվել են վարկավորման որակի բարձրացման ֆինանսավորմանը ու ծրագրի գործընկեր ֆինանսական հաստատությունների կարողությունների զարգացմանը: Նշենք, որ ՎԶԵԲ-ի Վաղ անցումային երկրների հիմնադրամի կողմից ծրագրին ուղղվել է ևս 0.9 մլն եվրո: 
§ԵՄ-ն աշխատում է Հայաստանի ողջ տարածքում խթանել հավասար իրավունքներ բոլորի համար գործունեության ցանկացած ոլորտում: ԵՄ-ն գտնում է, որ հայ կանայք երիտասարդ սերնդի հետ միասին պետք է լիարժեք իրականացնեն իրենց դերը՝ որպես Հայաստանի տնտեսության շարժիչ ուժ, իսկ ԵՄ-ն կշարունակի ավելի ու ավելի ներդնել այդ ոլորտում: Հայ կին ձեռներեցների կողմից ղեկավարվող ՓՄՁ-ները տնտեսական աճի տեսանկյունից մեծ հնարավորություն են ներկայացնում և ԵՄ-ն հուսով է, որ Հայաստանի իշխանությունները ևս դա հաշվի կառնեն ու իրենց հերթին կհեշտացնեն գործարար կանանց գործունեությունը¦,-հավելեց Եվրոպական միության Հայաստանյան պատվիրակության ղեկավար, դեսպան Պյոտր Անտոնի Սվիտալսկին:
Իր նոր անցումային հայեցակարգի շրջանակում, որը մեկնարկել է այս տարեսկզբին, ՎԶԵԲ-ը  առանձնացնում է վեց անցումային որակներ. Բանկը հավատում է, որ լավ գործառնող շուկայական տնտեսությունը պետք է լինի մրցակցային, լավ կառավարվող, թափանցիկ, ներառական, տոկուն և ինտեգրված:
ՎԶԵԲ-ը ներկայումս §Գործարար կանայք¦ ծրագիրը իրականացնում է 16 երկրներում: 
 
Նոյյան տապան  -   Կազմակերպություններ

https://s1.merlive.am/Noian_Tapan/embed.html?autoplay=false&play