Հայ մարմնամարզիկները աշխարհի գավաթի խաղարկությունից հայրենիք են վերադարձել մեդալներով
27-03-2017 12:50:23 | Հայաստան | Սպորտ
Հայաստանի մարմնամարզության հավաքականի անդամ Արթուր Թովմասյանը (անձնական մարզիչ՝ Կարեն Բաղդասարյան) Քաթարի մայրաքաղաք Դոհայում անցկացված սպորտային մարմնամարզության աշխարհի գավաթի խաղարկությունում օղակների վրա վարժությունից նվաճել է ոսկե մեդալ:
Մեր մյուս մարզիկը՝ Արթուր Դավթյանը (անձնական մարզիչ՝ Հայկ Նազարյան), հենացատկում նվաճել է արծաթե մեդալ, իսկ նժույգ-թափեր վարժությունում բրոնզե մեդալ:
Նշենք, որ առաջնությունն անցկացվել է մարտի 20-ից 25-ը: Հայաստանի Հանրապետությունը ներկայացրել են 4 մարզիկներ՝ հավաքականի գլխավոր մարզիչ Հակոբ Սերոբյանի ղեկավարությամբ:
ՀԱՅԵՐԵՆ
Русский
English
Դաս. հայերեն
French
