Մոսուլում ԻՊ ահաբեկիչները ռազմական ուղղաթիռ են խոցել. երկու օդաչուները զոհվել են
06-04-2017 19:03:13 | Իրաք | Հասարակություն
«Իսլամական պետություն» ահաբեկչական խմբավորման զինյալները իրաքյան Մոսուլ քաղաքում խոցել են ռազմական ուղղաթիռ, որի երկու օդաչուները զոհվել են: РИА Новости-ի փոխանցմամբ` այդ մասին հայտարարել են Մոսուլում հակաահաբեկչական գործողություն իրականացնող միացյալ հրամանատարության շտաբում:
Ինչպես տեղեկացնում է աղբյուրը, ուղղաթիռը խոցվել է Մոսուլի արևմտյան հատվածում ահաբեկիչների դիրքներին հասցված ավիահարվածների ընթացքում: Ռազմական ուղղաթիռը երկնքից կրակային օգնություն է ցուցաբերել Իրաքի դաշնային ոստիկանությանը, որը մարտեր է մղել ԻՊ-ի դեմ` հին քաղաք մուտք գործելու շեմին:
Նշվում է, որ իրաքյան զինուժը և Մոսուլի ազատագրության ուղղությամբ ԱՄՆ-ի գլխավորած կոալիցիան գործողություններ սկսել է իրականացնել նախորդ տարվա հոկտեմբերին. Այս ընթացքում հաջողվել է ազատագրել քաղաքի արևելյան հատվածը:
ՀԱՅԵՐԵՆ
Русский
English
Դաս. հայերեն
French
