Իրանը և Քաթարը համատեղ կլուծեն իսլամական աշխարհում ծագած հակասությունները
26-06-2017 14:29:13 | Իրան | Քաղաքական
Իրանի նախագահ Հասան Ռոուհանին Քաթարի շեյխ Թամիմ բեն Համադ ալ Թանին հաղորդել է, որ Իրանն անընդունելի է համարում արաբական մի շարք պետությունների կողմից Քաթարի շրջափակումը և պատրաստ է նրան աջակցություն ցուցաբերել: Interfax-ի փոխանցմամբ` նա, մասնավորապես, նշել է, որ Իրանի օդային, ցամաքային և ծովային սահմանները բաց են Քաթարի համար, ում համարում են հարևան եղաբայրական երկիր:
Իրանի նախգահը նաև ընդգծել է, որ Թեհրանը կանգնած է Քաթարի ժողովրդի և կառավարության կողքին. «Մենք գտնում ենք, որ տարածաշրջանում հակամարտության ծագման դեպքում ճնշումը, սպառնալիքներն ու պատժամիջոցները լավագույն տարբերակը չեն տարաձայնությունները հարթելու համար»:
Իր հերթին Քաթարի շեյխը հայտարարել է, որ պատրաստ է Թեհրանի հետ համագործակցության, որպեսզի կարողանան վերացնել տարածաշրջանային հակասությունները:
ՀԱՅԵՐԵՆ
Русский
English
Դաս. հայերեն
French
