ՀԱՕԿ-ի աջակցությամբ Երեւանում կանցկացվի ճապոնական մարտարվեստների «Բուդո» փառատոն
28-06-2017 17:37:25 | Հայաստան | Սպորտ
ՀԱՕԿ գլխավոր քարտուղար, սպորտի եւ երիտասարդության հարցերի նախարար Հրաչյա Ռոստոմյանն այսօր ընդունել է մեր երկրում Ճապոնիայի արտակարգ և լիազոր դեսպան Էյջի Տագուչիին:
Հրաչյա Ռոստոմյանն ու դեսպանը քննարկել են աշնանը Երեւանում կայանալիք ճապոնական մարտարվեստների «Բուդո» փառատոնի կազմակերպական մի քանի հարցեր:
Էյջի Տագուչին շնորհակալություն է հայտնել ՀԱՕԿ գլխավոր քարտուղարին` կազմակերպման աշխատանքներին աջակցելու համար: Նա տեղեկացրել է, որ փառատոնի շրջանակներում ցուցադրական ելույթներով հանդես են գալու Հայաստանի ձյուդոյի, կարատեի և այլ ճապոնական մարտարվեստների մարզաձեւերի ֆեդերացիաների մարզիկները, ինչպես նաև Ճապոնիայից հրավիրված վարպետներ.
«Ինչպես գիտենք, 2020 թվականին Տոկիոյում կայանալիք ամառային օլիմպիական խաղերին առաջին անգամ մասնակցելու են նաև կարատեիստները: Վստահ եմ, որ փառատոնի շրջանակներում այս մարզաձեւի ճապոնացի վարպետների կողմից անցկացվող վարպետության դասերը կօգնեն հայ կարատեիստներին՝ կատարալագործվել եւ հաջող հանդես գալ «Տոկիո-2020»-ում»,- ասաց Հրաչյա Ռոստոմյանը:
Ճապոնական մարտարվեստների «Բուդո» փառատոնը Հայաստանում կանցկացվի 2-րդ անգամ:
ՀԱՅԵՐԵՆ
Русский
English
Դաս. հայերեն
French
