ԱՇՏԱՐԱԿ, 16 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 15-ին Աշտարակի քաղաքային մարզադաշտում տեղի ունեցավ ռեգբիի «Ուռենի» ակումբի շնորհանդեսը: «Ուռենի» ակումբին արդեն անդամագրվել են Աշտարակ քաղաքի եւ հարակից գյուղերի ավելի քան 120 պատանիներ: Տարբեր տարիքի պարապողներով համալրված 6 թիմեր շնորհանդեսի օրը ցուցադրական մրցումներ անցակրեցին, որոնց ականատես եղան բազմաթիվ մարզասերներ: Հայաստանում ռեգբիի հիմնադիրներից Ռոբերտ Մելքումյանը «ՆՈՅՅԱՆ ՏԱՊԱՆԻ» թղթակցին հայտնեց, որ ակումբը հիմնելու գաղափարը մտահղացել է այս տարվա հունվարին, երբ իր նախկին սան, այժմ գործարար Գեղամ Հարությունյանի հետ Դուբայում հետեւել է աշխարհի գավաթի խաղարկությանը, որի մասնակիցների թվում չի եղել Հայաստանի ազգային հավաքականը:

---