Գագիկ Խաչատրյան. «Տարեցտարի մրցակցությունն ուժեղանում է»
01-08-2017 16:45:12 | Հայաստան | Սպորտ
Հունահռոմեական ըմբշամարտի Հայաստանի պատանեկան հավաքականն այս գիշեր վերադարձավ Երեւան: «Զվարթնոց» օդանավակայանում հավաքականի ավագ մարզիչ Գագիկ Խաչատրյանը ՀԱՕԿ լրատվականին ասաց.
«Թեեւ քանակական եւ որակական առումով մենք ավելի շատ ակնկալիքներ ունեինք, մեր սպասելիքները որոշ չափով արդարացան:
Տարեցտարի Եվրոպայի առաջնության աշխարհագրությունը մեծանում է, եւ մրցակցությունն ուժեղանում: Անգամ Հոլանդիան ու Սլովակիան մրցանակակիր ունեցան: Նման բան երբեք չէր եղել: Մեկ ամիս հետո աշխարհի առաջնությունն է, որին պետք է լրջորեն նախապատրաստվել: Թիմի կազմում փոփոխություններ անպայման կլինեն: Կարվի ամեն բան՝ աշխարհի առաջնությունում լավ հանդես գալու համար»: