01-08-2017 19:06:26 | Հայաստան | Մամլո հաղորդագրություն
Այսօր՝ օգոստոսի 1 ին, Հայաստանի Կիոկուշին կարատեի ֆեդերացիայի նախագահ Անդրանիկ Հակոբյանը և ֆեդերացիայի ներկայացուցիչ Վիրաբ Մարտիրոսյանը հանդիպում ունեցան Գեղարքունիքի մարզպետ Կարեն Բոթոյանի հետ։
Հանդիպման ընթացքում քննարկվեցին Գեղարքունիքի մարզում Կիոկուշին կարատեի զարգացմանն ու ընդլայնմանն ուղղված տարբեր հարցեր:
Սևան քաղաքում արդեն գործում է Կիոկուշին կարատեի երկու խումբ: Առաջիկա սեպտեմբերի 1-ից նախատեսվում է բացել ևս երեք անվճար խումբ, որոնք կգործեն Կիոկուշին կարատեի ֆեդերացիայի, Գեղարքունիքի մարզպետարանի և Սևանի քաղաքապետարանի հովանու ներքո:
Հանդիպման ընթացքում ձեռք բերվեցին նաև պայմանավորվածություններ Գեղարքունիքի մարզի այլ համայնքներում ևս Կիոկուշին կարատեի խմբեր հիմնադրելու, ինչպես նաև տարաբնույթ միջոցառումների կազմակերպման ուղղությամբ:
ՀԱՅԵՐԵՆ
Русский
English
Դաս. հայերեն
French
