Փարիզում ընթացող ըմբշամարտի աշխարհի առաջնությունում հունա-հռոմեական հայ ըմբիշ, 80 կգ քաշային Մաքսիմ Մանուկյանը դարձել է աշխարհի չեմպիոն։ Նա եզրափակչում 5:0 հաշվով հաղթել է Բելառուսի ներկայացուցիչ Ռադիկ Կուլիևին։
Այսպիսով՝ հունա-հռոմեական ըմբշամարտի Հայաստանի Հանրապետության հավաքականը 2017 թվականի աշխարհի առաջնությունում նվաճեց երկու ոսկե մեդալ: Նախորդ օրը աշխարհի չեմպիոնի կոչմանն էր արժանացել նաև Արթուր Ալեքսանյանը:
Նշենք, որ ազատ ոճի ՀՀ հավաքականի անդամներն իրենց մրցելույթները սկսելու են օգոստոսի 25-ից:
Հիշեցնեմ, որ հունա-հռոմեական ըմբշամարտի Հայաստանի Հանրապետության հավաքականը Կիևի չվերթով Երևան կժամանի այսօր՝ օգոստոսի 23-ին՝ ժամը 14.30-ին: