ԿԱԼԿԱԹԱ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Ավարտվեց Կալկաթայի CC&FC նշանավոր սպորտային ակումբում անցկացվող Արեւմտյան Բենգալիայի ռեգբիի առաջնության մրցաշրջանը: Մրցաշրջանի տարբեր տարիքային մրցաշարերում իրենց ակտիվ մասնակցությունն էին բերում նաեւ Կալկաթայի Հայոց Մարդասիրական ճեմարանի սաները, որոնք դուրս եկան մրցաշրջանի 1-ին դիվիզիայի եզրափակիչ փուլ, արձանագրելով բազում հաղթանակներ եւ նվաճելով թիմային ու անհատական պարգեւներ ու գավաթներ: Ինչպես տեղեկացնում են Կալկաթայի Հայոց մարդասիրական ճեմարանից, տղաները հաղթանակ են տարել "GEORGIA D" 7 A SIDE RUGBY TOURNAMENT" մրցաշարում` նվաճելով առաջատարի գավաթը: Նրանք նվաճել են նաեւ "U-19, 7-A SIDE RUGBY TOURNAMENT"-ի առաջատարի գավաթը: Անհատական պարգեւներ են ստացել թիմի ավագ Արմեն Մարգարյանը` ճանաչվելով որպես "GEORGIA D" 7 A SIDE RUGBY TOURNAMENT" մրցաշարի լավագույն խաղացող` Բենգալիայի ռեգբիի եւ ֆուտբոլի ֆեդերացիայի (BRFU) կողմից արժանանալով «Արժեքավոր խաղացող» (THE MOST VALUABLE PLAYER) հատուկ կոչման գավաթին: Գեղարդ Մարգարյանը մինչեւ 19 տարեկանների մրցաշարում (U-19, 7-A SIDE RUGBY SCHOOL TOURNAMENT) ճանաչվեց որպես լավագույն խաղացող` նույնպես արժանանալով «Արժեքավոր խաղացող» հատուկ գավաթին:

---