Զանգվածային մարզական միջոցառում՝ լսողության խանգարումներ ունեցող երեխաների մասնակցությամբ
28-09-2017 15:31:43 | Հայաստան | Սպորտ
Սեպտեմբերի 28-ին Երևանի լսողության խանգարումներ ունեցող երեխաների հատուկ կրթահամալիրի մարզադահլիճում սաների մասնակցությամբ անցկացվել է ֆիզկուլտուրային-առողջարարական միջոցառում՝ «Սպորտլանդիա» մարզական խաղերը։
Մարզական խաղերին մասնակցել են լսողության խանգարումներ ունեցող 20 երեխաներ, որոնցից կազմված «Ուրախներ» և «Ժպիտներ» թիմերը մրցել են յոթ մարզական մրցաձևերում:
Միջոցառմանը ներկա են եղել Հայաստանի Հանրապետության սպորտի և երիտասարդության հարցերի նախարարության աշխատակիցները, որոնք պատվոգրեր են հանձնել մասնակից թիմերին:
Նշենք, որ միջոցառումը նվիրված էր Հայաստանի Հանրապետության անկախության 26-ամյակին: