Հայ-ռուսական երիտասարդական 3-րդ համաժողովը տեղի կունենա նոյեմբերի 15-ից 18-ը Չարենցավանում
06-10-2017 12:15:26 | Հայաստան | Սպորտ
Հոկտեմբերի 5-ին տեղի է ունեցել հայ-ռուսական երիտասարդական 3-րդ համաժողովի նախապատրաստական աշխատանքները համակարգող կազմկոմիտեի անդամների նիստը, որը վարել է կազմկոմիտեի նախագահ, ՀՀ սպորտի և երիտասարդության հարցերի նախարարի տեղակալ Արսեն Քարամյանը:
Հանդիպման ընթացքում քննարկվել են համաժողովի անցկացմանն առնչվող կազմակերպչական մի շարք հարցեր: «Կարևորում ենք այն փաստը, որ մեր երկրում անցկացվող միջազգային միջոցառումները անցկացվում են տվյալ տարվա Հայաստանի Հանրապետության երիտասարդական մայրաքաղաքում, որն այս տարի Չարենցավանն է»,- ասել է նախարարի տեղակալ Ա. Քարամյանը:
Նշենք, որ հայ-ռուսական երիտասարդական համաժողովի նպատակն է նպաստել Ռուսաստանի Դաշնության և Հայաստանի Հանրապետության երիտասարդության համախմբմանը և երկու երկրներում եվրասիական ինտեգրման գաղափարների առաջընթացին: Առաջին հայ-ռուսական համաժողովը տեղի է ունեցել 2015 թվականին Երևանում: