Միգրացիոն հիմնախնդիրների վերաբերյալ լրագրողական մրցույթ
08-10-2010 20:09:46 | Հայաստան | Հայտարարություններ
«Հայաստանում միգրացիոն հոսքերի կառավարման հզորացում» ծրագիր
«People in Need» չեխական կազմակերպության հայաստանյան մասնաճյուղն ու ՄԱԿ-ի Հայկական ասոցիացիան Եվրոպական Հանձնաժողովի եւ Չեխիայի կառավարության ֆինանսական աջակցությամբ իրականացվող «Հայաստանում միգրացիոն հոսքերի կառավարման հզորացում» ծրագրի շրջանակներում հայտարարում են Միգրացիոն հիմնախնդիրների վերաբերյալ լրագրողական մրցույթ:
Մրցույթը նպատակ ունի միավորել Երեւանի եւ մարզերի ԶԼՄ-ների ներկայացուցիչների ներուժը միգրացիոն հիմնախնդիրների (մեկնողների եւ հետ վերադարձողների) լուսաբանման շուրջ եւ խրախուսել ոլորտի հիմնահարցերը բարձրաձայնող լրագրողներին:
Մրցույթին կարող են մասնակցել Երեւանի եւ ՀՀ բոլոր մարզերի լրատվամիջոցների ներկայացուցիչներն ու անկախ լրագրողները: Մասնակցության համար անհրաժեշտ է ներկայացնել 2010 թվականի հունվարից մինչեւ 2010 թվականի նոյեմբերը միգրացիոն թեմաներով պատրաստած հեռուստահաղորդումներ, ռադիոհաղորդումներ, մամուլի հրապարակումներ եւ ինտերնետային պարբերականներում ներկայացված հոդվածներ:
Ոլորտի մասնագետներից եւ լրագրող-փորձագետներից կազմված ժյուրին երեք` լավագույն հեռուստահաղորդում, լավագույն ռադիոհաղորդում, լավագույն հոդված անվանակարգերում կընտրի մեկական մրցանակակիր: Յուրաքանչյուր անվանակարգում կհանձնվեն նաեւ վկայականներ եւ դրամական պարգեւներ:
1-ին տեղ` 180 հազար դրամ,
2-րդ տեղ` 90 հազար դրամ,
3-րդ տեղ` 45 հազար դրամ:
Ընտրության չափանիշներն են`
Հոդվածները, հեռուստա եւ ռադիոհաղորդումները պետք է հրատարակված կամ հեռարձակված լինեն 2010 թվականի հունվարից- նոյեմբեր ընկած ժամանակահատվածում:
Նյութերը պետք է ներառի 350- 500 բառ, որը պետք է կառուցված լինի հանրությանը մատչելի:
Նյութերում պետք է պահպանվոծ լինի լրագրողական էթիկան եւ հեղինակային մոտեցումը:
Ընտրված թեման պետք է լինի սպառիչ եւ հարցի շուրջ պարունակի համակողմանի տեղեկատվություն:
Նյութերում տեղ գտած տեղեկատվությունը պետք է լինի ստույգ եւ հիմնված իրական փաստերի վրա:
Մասնակցության համար անհրաժեշտ է լրացնել կից ներկայացված դիմում հայտի ձեւը եւ այն նյութի հետ ներկայացնել ՄԱԿ-ի Հայկական ասոցիացիա (հասցե` ք. Երեւան, Իսրաելյան 39/2, I-ին հարկ): Հայտի ձեւը կարող եք գտնել նաեւ www.migrant.am, www.media.am եւ www.jnews.am ինտերնետային կայքից:
Տպագիր մամուլում կամ ինտերնետ պարբերականներում տեղադրված նյութերը կարող եք ուղարկվել էլեկտրոնային տարբերակով հետեւյալ էլփոստի հասցեով` GNanyan@gmail.com:
Դիմում հայտերի ընդունման վերջնաժամկետը 2010 թվականի նոյեմբերի 10-ն է (մինչեւ ժամը 18:00-ը):
Միգրացիոն հիմնախնդիրների վերաբերյալ ՃԱՄՊՐՈՒԿ լրագրողական մրցանակաբաշխությունը տեղի կունենա 2010 թվականի դեկտեմբերի 18-ին` միգրանտների միջազգային օրը:
Լրացուցիչ տեղեկության կամ հարցերի համար զանգահարել (010)259-269 կամ (093)100- 090 հեռախոսահամարներով:
Պատասխանատու`
Գալուստ Նանյան- Ճամպրուկ լրագրողական մրցանակաբաշխության համակարգող