ՀՀԿ-ն հրաժարվել է Ընտրական օրենսգրքի նախագծի քննարկումներից.lragir.am (ՏԵՍԱՆՅՈՒԹ)

20-06-2018 14:46:21 | Հայաստան | Ի՞նչ է գրում մամուլը

lragir.am Ընտրական օրենսգրքի նախագիծը պատրաստ կլինի առաջիկայում, խորհրդարանում լրագրողներին ասաց նախագծի հեղինակներից “Իրազեկ քաղաքացիների միավորում” ՀԿ նախագահ Դանեիլ Իոաննիսյանը: Նա նախագծի վերաբերյալ հարցեր էր քննարկում Ծառուկյան դաշինք խմբակցությունում: Իոաննիսյանն ասաց, որ միայն ՀՀԿ խմբակցությունն է այս փուլում հրաժարվել քննարկումներից:

“Մեկ տառ գրելուց առաջ մենք բոլոր խորհրդարանական կուսակցություներին և արտախորհրդարանական ուժերին առաջարկել էին քննարկել, մտքերի քննարկումներ անել: Բացի ՀՀԿ-ից, մնացած բոլորի հետ եղել են քննարկումներ, մտքերի փոխանակումներ: ՀՀԿ-ից հրաժարվեցին այդ քննարկումից: Պատճառաբանեցին, որ խորհրդարանում ստեղծվելու է համապատասխան հանձնաժողով, այդ ժամանակ կքննարկեն; Մենք ասացինք՝ չենք ուզենա նախագծի վրա աշխատանք սկսել՝ նախքան բոլորի հետ քննարկելը”,- ասաց նա:

Նախագիծը ներկայում մշակվում է քաղաքացիական հասարակության կողմից՝ կառավարության հետ համագործակցելով: Այնուհետև կառավարության կողմից ստեղծվող աշխատանքային խումբն այն ամբողջական տեսքի կբերի: Աշխատանքային հանձնաժողով է ստեղծվելու նաև խորհրդարանում:

Դանիել Իոաննիսյանն ասաց, որ Ընտրական օրենսգրքի բազմաթիվ դրույթներ փոփոխության են ենթարկվում, որովհետև օրենսգիրքը տեխնիկապես շատ թերի է և գրեթե նախատեսված չէ արտահերթ ընտրությունների համար:

Ինչ բերաբերում է ռեյտինգային ընտրակարգին, Իոաննիսյանն ասաց, որ ռեյտինգային ընտրակարգը հանվում է, լինելու է փակ համամասնական պարզ ու բոլորին հասկանալի ընտրակարգ: Քննարկվում է նաև տեղական ինքնակառվարման մարմինների ընտրակարգը փոխելու հարցը:

Մանրամասները տեսանյութում

Նոյյան տապան - Ի՞նչ է գրում մամուլը

Կարդացել են 499 անգամ

ՀՀԿ-ն հրաժարվել է Ընտրական օրենսգրքի նախագծի քննարկումներից.lragir.am (ՏԵՍԱՆՅՈՒԹ)

Noyan Tapan TV