Նախարար Լևոն Վահրադյանն այսօր հյուրընկալել է ՀՀ-ում ԻԻՀ արտակարգ և լիազոր դեսպան Սեյեդ Քազեմ Սաջադիին
02-07-2018 14:58:16 | Հայաստան | Սպորտ
ՀՀ սպորտի և երիտասարդության հարցերի նախարար Լևոն Վահրադյանն այսօր հյուընկալել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին:
Կողմերը քննարկել են սպորտի և երիտասարդության ոլորտներում երկու երկրների փոխգործակցությանն առնչվող բազմաթիվ, այդ թվում՝ ազգային մարզաձևերի ֆեդերացիաների համագործակցության, զանգվածային մարզական միջոցառումներ կազմակերպելու և երկու երկրները ներկայացնող մարզիկների մասնակցությամբ համատեղ ուսումնամարզական հավաքներ անցկացնելու վերաբերյալ:
Նախարարը և դեսպանը համակարծիք են եղել, որ սպորտային դիվանագիտությունը կարող է մեծապես նպաստել Հայաստանի Հանրապետության և Իրանի Իսլամական Հանրապետության համագործակցության սերտացմանը ոչ միայն մարզական, այլև տնտեսական, մշակութային և այլ ոլորտներում:
«Հայկական կողմը պատրաստ է աջակցել սպորտի ոլորտի հայ և իրանցի մասնագետների փորձի փոխանակման գործընթացը կազմակերպելուն, ինչպես նաև մարզչական և մրցավարական սեմինարների անցկացմանը»,- դեսպանի առաջարկությանը պատասխանել է նախարար Վահրադյանը:
ՀԱՅԵՐԵՆ
Русский
English
Դաս. հայերեն
French
