Հայաստանն աստիճանաբար կհրաժարվի պլաստիկե տոպրակներից և շշերից (ՏԵՍԱՆՅՈՒԹ)
10-07-2018 17:55:35 | Հայաստան | Հասարակություն
Հայաստանում մեկանգամյա օգտագործման պլաստիկի արգելման գործընթաց կմեկնարկի Բնապահպանության նախարարության նախաձեռնությամբ:
Ինչպես այսօր կառավարության նիստից հետո լրագրողների հետ զրույցում տեղեկացրեց նախարար Էրիկ Գրիգորյանը, նշյալ գործընթացը կմեկնարկի մեկ համայնքից, այնուհետև կտարածվի մարզերի մակարդակով:
«Կարծում եմ որոշակի ժամանակահատվածում Հայաստանը կմիանա այն երկրների շարքին, որտեղ մեկանգամյա պլաստիկի օգտագործումն արգելված է: Այս պահի դրությամբ չենք կարող միանգամից արգելել, բայց գործընթաց ենք մեկնարկում»,- նշեց Է. Գրիգորյանը:
Վերջինիս խոսքերով՝ պլաստիկին կփոխարինեն կտորից տոպրակները, իսկ շշերը կվերամշակվեն:
Նախարարի փոխանցմամբ՝ ծրագրի իրականացման համար համապատասխան ֆինանսավորում ստացել են միջազգային կազմակերպություններից, ուստի բյուջեից ոչ մի դրամ չեն ծախսելու:
ՀԱՅԵՐԵՆ
Русский
English
Դաս. հայերեն
French
