Լսեք, խելքներիդ ձյուն գա, այս ի՞նչ եք անում, այդ ո՞ւմ հետ եք խոսում և ինչի՞ մասին. Գուրգեն Եղիազարյան (տեսանյութ)
12-09-2018 08:44:27 | Հայաստան | Քննարկում
Կոռուպցիային շեշտակի հարվածը կլինի այն ժամանակ, երբ առաջին 1 միլիարդ դոլարը կդրվի սեղանի վրա և կմուտքագրվի ՀՀ բյուջե, ընդ որում, առանց ԱԱԾ-ի, քանի որ ԱԱԾ-ն խնդիրներ ունի լուծելու: «Նոյյան Տապան»-ի ուղիղ եթերում հեռարձակվող «Քննարկում» հաղորդաշարի ընթացքում այս կարծիքը հայտնելով, Հայ պառլամենտականների միջազգային ասոցիացիայի անդամ, հրապարակախոս, գրող, նախկինում ՀՀ ազգային անվտանգության պետական վարչության պետի տեղակալ, ԱԺ պատգամավոր Գուրգեն Եղիազարյանն ասաց, որ ԱԱԾ-ի առջև ծառացած խնդիրներն այժմ հաստատ չեն լուծվում, որովհետև այդ ծառայությունն ավելորդաբար ծանրաբեռնված է, մինչդեռ ԱԱԾ-ի առանձնահատկության մեջ չեն մտնում Սամվել Ալեքսանյանի խանութների ստուգումները:
«Դա նույնիսկ ծիծաղելի է, այդ նույն բանն է, որ ակադեմիկոսին բահ տանք և ասենք` գնա հող փորի,- ասաց Քննարկում» հաղորդաշարի հյուրը:- Կներեք այդ համեմատության համար, բայց դա նման մի բան է: Դրանով, չգիտեմ այնտեղ ինչ են մտածում, իմ կարծիքով, պետք է զբաղվի ոստիկանության 6-րդ վարչությունը»:
Սակայն, Գուրգեն Եղիազարյանի կարծիքով, հնարավոր չէ, որ ՀՀ ոստիկանության կազմակերպված հանցավորության դեմ պայքարի գլխավոր վարչությունը զբաղվի կոռուպցիայի դեմ լուրջ պայքարով, մինչև նշված վարչությունում նոր հաստիքներ չավելացվեն:
«Մենք հիմա ազգային անվտանգությանը ստիպում ենք, որ հակահետախուզության հաշվին, այդ տղաների աշխատանքային օրը լցվի խանութների ստուգումով, բայց այդ տղաները պետք է օֆշորային գոտիներից հայրենիք վերադարձնեն տասնյակ-տասնյակ միլիարդավոր դոլարներ, այ դա ազգային անվտանգության խնդիր է,- ասաց Քննարկում» հաղորդաշարի հյուրը:- Այդ տղաները պետք է բացահայտեն այնպիսի մի ծանր լուծ, որը մեր ուսերին դրեց Սերժ Ազատի Սարգսյանը, դա 5-6 միլիարդ դոլարն է: Եվ որտե՞ղ են այդ միլիարդավոր դոլարները ծախսվել, չէ՞ որ մեր հայրենակիցների մի մասը, որ այսօր սփյուռքում է գտնվում, հենց դրա համար է գնացել, որովհետև այդ միլիարդավոր դոլարները ծախսելուց հետո, աշխատատեղեր չե՛ն բացվել, մարդիկ չե՛ն կարողացել երեխա կերակրել, ստիպված են եղել օտարության ճամփան բռնել: Եվ գլխավոր խնդիրներից մեկը դա է` այդ միլիարդների վերադարձը, այն ժամանակ մենք, ձեզ հետ նստած, ուղղակի կծափահարենք, թե չէ այդ հեքիաթները, մանկական այդ խաղերը` շեշտակի հարված հարված հասցվեց և մեկ միլիարդ 250 միլիոն դրամ մուտքագրվեց… Լսեք, խելքներիդ ձյուն գա, այս ի՞նչ եք անում, այդ ո՞ւմ հետ եք խոսում և ինչի՞ մասին»:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերության ուղիղ եթերում, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Ուղիղ եթերից հետո բանախոսին ուղղված հարցերն ու մեկնաբանությունները կարելի է թողնել՝ զանգհարելով ամերիկյան 818 9675321 և հայաստանյան 060 351131 հեռախոսահամարներով։ Ձեր խոսքի ձայնագրությունները հետագայում կօգտագործվեն «Հետադարձ կապ» հաղորդաշարում։
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետևյալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
