Զինված քաղաքացին մշտապես վտանգ է ներկայացնում ոստիկանության աշխատակցի և իրավապահների համար. Վալերի Օսիպյան (ՏԵՍԱՆՅՈՒԹ)
14-09-2018 15:19:32 | Հայաստան | Հասարակություն
Զինված քաղաքացին մշտապես վտանգ է ներկայացնում ոստիկանության աշխատակցի և իրավապահների համար:
Այս մասին կառավարության սեպտեմբերի 14-ի նիստից հետո լրագրողների հետ ճեպազրույցում նշեց ՀՀ ոստիկանապետ Վալերի Օսիպյանը՝ անդրադառնալով վարչապետ Նիկոլ Փաշինյանից ստացած այն հրահանգին, որը վերաբերում էր օլիգարխների թիկնապահներին զինաթափելուն:
Ըստ նրա՝ ոստիկանությունը ռեյդեր պարբերաբար է իրականացնել, իսկ առանձին հանձնարարականների դեպքում այն կատարվում է անհապաղ, սահմանված ժամկետում և զեկուցվում է վարչապետին:
Անդրադառնալով վերջին օրերին ամենաշատը քննարկվող ԱԱԾ և ՀՔԾ պետերի հեռախոսազրույցը գաղտնալսելու թեմային՝ Վ. Օսիպյանը նշեց, որ անձամբ դատապարտում է նման գործողությունները, քանի որ գաղտնալսումը թույլատրված է միայն օրենքով սահմանված կարգով այն ծառայություններին, ովքեր դրա իրավունքն ունեն: