«Ամոթ, գոնե մի խոսեք»․ Քաղաքացիները՝ Դավիթ Շահնազարյանին (ՏԵՍԱՆՅՈՒԹ)
09-12-2018 16:54:47 | Հայաստան | Հասարակություն
Հայաստանի հանրապետական կուսակցության 3-րդ համար Դավիթ Շահնազարյանն այսօր 9/49 ընտրատեղամասում կատարեց իր ընտրությունը, որից հետո պատասխանեց լրագրողների հարցերին։
Նրա գնահատմամբ՝ այս ընտրությունները Հայաստանի պատմության մեջ տեղի ունեցող ամենախայտառակ ընտրություններն են։
Դ․ Շահնազարյանի խոսքերով՝ նախընտրական քարոզչությունն էլ զուգորդվել է բռնություններով, ակնհայտ սպառանալիքներով ու հայհոյհանքերով՝ խնդիրներ ստեղծելով հենց իշխող քաղաքական ուժի համար։
«Ինչևէ, այսօր չափազանց կարևոր է մեր ապագայի, մեր երկրի համար, և ես որևէ կասկած չունեմ, որ բոլոր նրանք, ովքեր իրենց համարում են ՀՀ քաղաքացի, կատարել են ճիշտ ընտրություն»,- նշեց նա։
Նշենք, որ այս տեղամաս մուտք գործող քաղաքացիները, տեսնելով Դավիթ Շահնազարյանին, սկսեցին բղավել «ամոթ», «տականք» և այլ վիրավորական արտահայտություններ։