Մենք չենք ուզում կամայական որոշում կայացնել որևէ անձով պայմանավորված. Լիլիթ Մակունց (ՏԵՍԱՆՅՈՒԹ)
14-01-2019 16:49:50 | Հայաստան | Քաղաքական
Մենք չենք ուզում կամայական որոշում կայացնել որևէ անձով պայմանավորված:
Այս մասին հունվարի 14-ին լրագրողների հետ ճեպազրույցում նշեց ԱԺ «Իմ քայլը» խմբակցության ղեկավար Լիլիթ Մակունցը՝ պատասխանելով լրագրողի այն հարցին, թե ինչ սկզբունքով են որոշել աջակցել ԱԺ նախագահի ընդդիմադիր տեղակալի պաշտոնում ԲՀԿ-ի առաջադրած թեկնածուին:
Ըստ նրա՝ հասարակությունն իր քվեով արդեն իսկ որոշել է, թե Խորհրդարան անցած քաղաքական ուժերն ինչպիսի ներկայացվածություն ունենան, հետևաբար իրենք հարգում են քաղաքացիների որոշումը՝ ըստ որի «Բարգավաճ Հայաստան» կուսակցությունն ստացել է ավելի շատ ձայն, քան «Լուսավոր Հայաստան»-ը:
«Մեր որոշումը սկզբունքային և քաղաքական որոշում է, որը պայմանավորված չէ անձնական վերաբերմունքով կամ անձեր ընտրելով: Եթե հիմա մենք առանց որևէ սկզբունքի որոշում ենք կայացնում, որ պաշտպանում ենք «Լուսավոր Հայաստան»-ի թեկնածուին, ստացվում է էլի կամայական որոշում»,- ընդգծեց Լ. Մակունցը:
Հավելենք, որ այսօր կայացավ 7-րդ գումարման Ազգային ժողովի նախագահի ընտրությունը, որի արդյունքում պատգամավորները միաձայն քվերակեցին «Իմ քայլը» կուսակցությունների դաշինքի թեկնածու Արարատ Միրզոյանի օգտին:
Քվերակությանը մասնակցեց 132 պատգամավոր, մեկ քվեաթերթիկ ճանաչվեց անվավեր: