Հայաստանի դատախազությունն ամփոփել է առաջին կիսամյակի աշխատանքները
06-08-2010 17:44:00 | Հայաստան | Հասարակություն
ԵՐԵՎԱՆ, 6 ՕԳՈՍՏՈՍԻ, ՆՈՅՅԱՆ ՏԱՊԱՆ: Հայաստանի դատախազության կոլեգիայի օգոստոսի 6-ի նիստում, որը վարում էր ՀՀ գլխավոր դատախազ Աղվան Հովսեփյանը, քննարկվել են ՀՀ դատախազության 2010թ.-ի առաջին կիսամյակի ընթացքում կատարված աշխատանքները:
Քննարկվել են նաեւ դատախազության տարածքային եւ կառուցվածքային ստորաբաժանումների կողմից օրինականության պահպանման, հանցագործությունների դեմ պայքարի, քաղաքացիների իրավունքների պաշտպանության եւ դատախազությանը` օրենքով վերապահված այլ ոլորտնեում դատախազական գործունեության արդյունավետության բարձրացման ուղղությամբ կատարված աշխատանքները, դրանց ընթացքում ի հայտ եկած խնդիրները:
Կոլեգիայի նիստին հրավիրվել եւ մասնակցում էին ՀՀ Ոստիկանության, Ազգային անվտանգության ծառայության, Պաշտպանության նախարարության Քննչական, ՀՀ Հատուկ քննչական ծառայության, ՀՀ Պետական եկամուտների կոմիտեի եւ այլ պատկան մարմինների պաշտոնատար անձինք: