2018 թվականին Եվրամիությունից ապաստան խնդրող ՀՀ քաղաքացիների թիվը կրճատվել է երեք անգամ. Նիկոլ Փաշինյան
27-03-2019 14:14:38 | Հայաստան | Հասարակություն
2018 թվականին Եվրամիությունից ապաստան խնդրող ՀՀ քաղաքացիների թիվը կրճատվել է երեք անգամ, բայց սրա մասին ոչ ոք չի խոսում, ոչ ոք չի նկատում:
Այս մասին այսօր Ազգային ժողովում կառավարության ծրագրի կատարման ընթացքի և արդյունքների մասին զեկույցը ներկայացնելիս նշեց ՀՀ վարչապետ Նիկոլ Փաշինյանը՝ նկատելով, որ նշյալ փաստը գուցե և թվային առումով այդքան էլ հնչեղ չէ, բայց շատ կարևոր արձանագրում է:
Ըստ նրա՝ սա վկայում է այն մասին, որ ՀՀ-ում վերջին 10 ամսվա ընթացքում տեղի են ունեցել այնպիսի մասշտաբի փոփոխություններ, որոնք վերջին 27 տարվա ընթացքում չէր հաջողվում անել:
«Բայց սա ո՞ւմ շնորհիվ է. Սա ՀՀ քաղաքացիների շնորհիվ, որովհետև երկրում բովանդակային փոփոխություն չի կարող անել մեկ հոգին, 10 հոգին, նույնիսկ 1000 հոգին: Երկրում այս մասշտաբի և այսպիսի խորության փոփոխություններ կարող են իրականացնել միայն հարյուր հազարավորները, միլիոնները»,- ընդգծեց վարչապետը: