ֆեյքերի դեմ պայքարում խոսքի ազատությունը ոչ մի դեպքում չի վնասվելու. Արթուր Վանեցյան (ՏԵՍԱՆՅՈՒԹ)
04-04-2019 15:16:44 | Հայաստան | Հասարակություն
Ֆեյքերի դեմ պայքարը լինելու է շատ զգույշ, շատ մտածված:
Այս մասին ապրիլի 4-ին կառավարության նիստից հետո լրագրողների հետ ճեպազրույցում նշեց Ազգային անվտանգության ծառայության տնօրեն (ԱԱԾ) Արթուր Վանեցյանը:
Ըստ նրա, սոցիալական ցանցերում թե ֆեյքերի, թե իրական անձանց կողմից գրառումներում եթե հանցակազմ չլինի, ապա իրավապահ մարմինները անելիք չեն ունենա, իսկ հակառակ պարագայում ԱԱԾ-ն և մյուս իրավապահ մարմինները պարտավոր են արձագանքել և համապատասխան միջոցներ ձեռք առնելով՝ կանխել և բացահայտել այդ հանցագործությունները:
Ա. Վանեցանի վստահեցմամբ՝ ֆեյքերի դեմ պայքարում խոսքի ազատությունը ոչ մի դեպքում չի վնասվելու:
Պատասխանելով լրագրողի այն հարցին, թե ինչու է իր մայրն ազատվել աշխատանքից, Ա. Վանեցյանն ընդգծեց, որ կառավարության պաշտոնական կայքում որոշումը հրապարակված է, իսկ ինքը չի պատրաստվում քննարկել վարչապետի որոշումները: