Համաներմամբ ազատված 71 անձ կատարել է 130 հանցագործություն (ՏԵՍԱՆՅՈՒԹ)

04-04-2019 16:20:17 | Հայաստան | Հասարակություն

Համաներմամբ ազատված 71 անձ կատարել է 130 հանցագործություն:

Այս մասին ապրիլի 4-ին կայացած կառավարության նիստից հետո լրագրողների հետ ճեպազրույցում նշեց ՀՀ ոստիկանապետ Վալերի Օսիպյանը՝ անդրադառնալով բնակարաններից և ավոտմեքենաներից կատարվող գողությունների թվի ավելացմանը:

Ըստ նրա՝ նման հանցագործությունների թվի ավելացումը պայմանավորված է նաև այն հանգամանքով, որ քաղաքացիներն այժմ ավելի շատ են վստահում ու դիմում ոստիկաններին:

«Եթե նախկինում ուշադրություն չէին դարձնում որևէ արարքի, որովհետև մտածում էին, որ համապատասխան իրավական գնահատականի չի արժանանա, ապա այսօր ցանկացած բանի համար քաղաքացիները դիմում են ոստիկանություն: Եղել են դեպքեր, երբ մարդիկ բնակարանային գողության համար դիմել են ոստիկանություն, բայց ոստիկանները չեն գրանցել այդ դեպքերը: Այսօր չկա նման բան, ոստիկանները ցանկացած հայտարարություն՝ լուցկու չոփից սկսած մինչև առանձնապես ամենածանր հանցագործություն, գրանցում են»,- ընդգծեց Վ. Օսիպյանը:

Վերջինիս փոխանցմամբ՝ վերոնշյալ 71 անձից 14-ը կալանավորվել է, իսկ մյուսների նկատմամբ որպես խափանման միջոց կիրառվել է ստորագրությունը չհեռանալու մասին:

Մանրամասները՝ տեսանյութում

Էլիզա Զախարյան, «Նոյյան Տապան»

Նոյյան տապան - Հասարակություն

Կարդացել են 1135 անգամ

Համաներմամբ ազատված 71 անձ կատարել է 130 հանցագործություն (ՏԵՍԱՆՅՈՒԹ)

Noyan Tapan TV