Հարավկովկասյան երկաթուղին իր երախտագիտությունն է հայտնում ՀՀ ԱԻՆ-ին
30-07-2019 17:52:18 | Հայաստան | Մամլո հաղորդագրություն
«Հարավկովկասյան երկաթուղի» ՓԲԸ-ն իր երախտագիտությունն է հայտնում Հայաստանի Հանրապետության Արտակարգ իրավիճակների նախարարությանը և փրկարարներին, որոնք մասնակցում էին Թումանյան կայարանում հուլիսի 29-ին տեղի ունեցած բեռնատար գնացքի վագոնների գծերից դուրս գալու հետևանքների վերացման և հրդեհի մարման աշխատանքներին:
ՀՀ ԱԻՆ աշխատակիցների պրոֆեսիոնալ գործողությունները թույլ են տվել սեղմ ժամկետներում վերացնել միջադեպի հետևանքները:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով: