Քանի գլխանի էիք, որ վարչապետին չընտրեիք. Նաիրա Զոհրաբյանն ու Ալեն Սիմոնյանը վիճեցին
04-12-2019 14:13:09 | Հայաստան | Քաղաքական
«Որ վարչապետին չընտրեիք, ի՞նչ պիտի անեիք»,- ԱԺ-ում ԲՀԿ խմբակցության պատգամավոր Նաիրա Զոհրաբյանի ելույթից հետո հարցադրում արեց ԱԺ փոխնախագահ Ալեն Սիմոնյանը: Նաիրա Զոհրաբյանն իր ելույթում հիշեցրել էր, որ եթե ԲՀԿ-ն չլիներ, ժամանակին ԱԺ-ում իրավական ճանապարհով վարչապետ չէր ընտրվի, և հայտնի չէ, թե հիմա որտեղ կլինեին «Իմ քայլը» խմբակցության պատգավորները:
«Քանի գլխանի էիք, որ վարչապետին չընտրեիք, դուրս կգայիք քաղաքացիների դեմ»,- իր տեղից գոռաց Ալեն Սիմոնյանը:
«Ո՞նց թե քանի գլխանի էիք, չուզենայինք չէինք ընտրի»,- տեղից արձագանքեց Նաիրա Զոհրաբյանը:
Նա տեղից վեճի մեջ մտավ Ալեն Սիմոնյանի հետ, կողմերին հանգստացրեց ԱԺ նախագահ Արարատ Միրզոյանը:
ՀԱՅԵՐԵՆ
Русский
English
Դաս. հայերեն
French
