Ամերիաբանկում վարկերի մարումը հետաձգվում է 2 ամիս ժամկետով
13-03-2020 16:00:42 | Հայաստան | Ֆինանսներ
Կորոնավիրուսի կանխարգելման նպատակով, ինչպես նաև խուսափելով բանկի մասնաճյուղերում մարդկանց կուտակումներից` Ամերիաբանկը որոշում է կայացրել բանկի բոլոր ֆիզիկական անձ և անհատ ձեռնարկատեր հանդիսացող հաճախորդներին ս.թ.մարտի 13-ից մինչև մայիսի 13-ը ներառյալ տրամադրել «վարկային արձակուրդ»: Այս մասին տեղեկացնում է Ամերիա բանկի լրատվական ծառայությունը:
Ֆիզիկական անձ և անհատ ձեռնարկատեր հանդիսացող բոլոր անձինք այդ ժամանակահատվածում կարող են չկատարել իրենց վարկերի հերթական մարումները, ներառյալ` մայր գումարները, հաշվեգրված տոկոսները, սպասարկման և այլ վճարները, ինչը չի հանգեցնի որևէ բացասական հետևանքի:
Նշվում է, որ վարկերի տոկոսադրույքները կհաշվարկվեն և կբաշխվեն վարկերի մնացած ամիսների վրա` համաձայն նոր կազմված ժամանակացույցի, որը կարելի է ստանալ նախապես ընտրված հաղորդակցման եղանակով:
ՀԱՅԵՐԵՆ
Русский
English
Դաս. հայերեն
French
