Խորհրդարանական պետությունում, եթե Ազգային ժողովը չգործեց, դա այդ պետության վախճանն է. Գևորգ Պետրոսյանը կոչ արեց շարունակել ԱԺ աշխատանքները
24-03-2020 10:56:58 | Հայաստան | Հասարակություն
Խորհրդարանական պետությունում, եթե Ազգային ժողովը չգործեց, դա այդ պետության վախճանն է:
Այս մասին մարտի 24-ին Ազգային ժողովի ամբիոնից հայտարարեց «Բարգավաճ Հայաստան» խմբակցության պատգամավոր Գևորգ Պետրոսյանը:
Ըստ նրա՝ չնայած երկրում արտակարգ դրություն է հայտարարվել, այդուհանդերձ, կյանքը շարունակվում է և ժողովուրդը սպասում է իրենց որոշումներին:
«Պատկերացնո՞ւմ եք մենք էլ ասենք, որ անելիքներ չունենք ու գնանք մեր տներում նստենք, բա ժողովուրդն ո՞ւմ ձայնին է սպասում: Ի վերջո խորհրդարանական պետությունում կարևոր մարմինը սա է: Ճիշտ է, արտակագ իրավիճակ է, բայց ժողովուրդը սպասում է այս մարմնի որոշումներին: Ուրիշ բան, որ կարելի է ներքին պայմանավորվածություն ձեռք բերել, որ վատառողջության պատճառով աշխատաքի չներկայացածների բացակայությունը համարվի հարգելի, բայց այսօր եթե գնանք տանը նստենք, ժողովուրդը էլ ում երեսին նայի»,- ընդգծեց պատգամավորը:
Վերջինիս կոչ արեց իր գործընկերներին՝ սեփական առողջության մասին մտածելով հանդերձ, շարունակել խորհրդարանի աշխատանքը: