ԷԼ-ՔՈՒՎԵՅԹ, 25 ՄԱՅԻՍԻ, ՆՈՅՅԱՆ ՏԱՊԱՆ: Քուվեյթում գրանցվել են A/H1N1 գրիպի վիրուսով մարդկանց վարակման առաջին դեպքերը. վարակված են ԱՄՆ-ի զինծառայողները, ովքեր այդ երկրում սպասում են այլ տարածաշրջան տեղափոխման: Ըստ արաբական պետության առողջապահության նախարարի օգնական դոկտոր Իբրահիմ ալ-Աբդուլխադիի, վարակը ամերիկացիների մոտ հայտնաբերվել է միայն երբ նրանք Քուվեյթ են ժամանել, որից հետո նրանց անմիջապես մեկուսացրել են ԱՄՆ-ի ռազմական բազայում: Վարակվածների մեծ մասն արդեն հեռացել է Քուվեյթից, իսկ մնացածները բուժվում են բազայի հիվանդանոցում, ճշտել է ալ-Աբդուլխադին:

---