ՄԻՆՉԵՒ ԱՊՐԻԼ ԱՄՍՈՒԱՆ ԱՒԱՐՏԸ ԵԿԵՂԵՑԻՆԵՐԷՆ ՆԵՐՍ ԱՐԱՐՈՂՈՒԹԻՒՆՆԵՐԸ ՏԵՂԻ ՊԻՏԻ ՈՒՆԵՆԱՆ ԱՌԱՆՑ ՀԱՒԱՏԱՑԵԱԼՆԵՐՈՒ ՆԵՐԿԱՅՈՒԹԵԱՆ

02-04-2020 16:55:51   | Լիբանան  |  Մամլո հաղորդագրություն
 


Ինչպէս ծանօթ է մեր ժողովուրդին, երկու Վեհափառ Հայրապետներու տնօրինումով որոշուած էր եկեղեցիներէն ներս եկեղեցական արարողութիւնները կատարել դռնփակ, մինչեւ Աւագ Հինգշաբթի, 9 Ապրիլ 2020: Նկատի ունենալով, որ համաճարակը նոյն թափով կը շարունակուի եւ շատ մը երկիրներ
մինչեւ Ապրիլ ամսուան աւարտը աւելի խիստ միջոցներու դիմած են, Վեհափառ Հայրապետները ներկայ կացութեան լոյսին տակ որոշեցին երկարաձգել մեր եկեղեցիներէն ներս արարողութիւններու դռնփակ կատարումը՝ մեկնելով մեր ժողովուրդի զաւակներուն ապահովութեան նկատմամբ իրենց ունեցած նախանձախնդրութենէն:
 
Ն.Ս.Օ.Տ.Տ. Արամ Ա. Կաթողիկոս յատուկ շրջաբերականով մը այս գծով տեղեակ պահեց Մեծի Տանն Կիլիկիոյ Կաթողիկոսութեան թեմերու առաջնորդ սրբազանները, միաժամանակ դարձեալ յորդորելով՝ որ մեր հոգեւոր հայրերը յատուկ աշխատանք տանին մեր եկեղեցական արարողութիւնները, Ս. Գրոց սերտողութիւնները եւ ընդհանրապէս մեր հոգեւոր արժէքները ընկերային ցանցերու ճամբով հասցնելու մեր ընտանիքներուն ու զաւակներուն:
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 277 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար